تعارف

بِسْمِ اللَّهِ الرَّحْمَنِ الرَّحِيمِ

الحمد الله ! ۱۹۸۵ء کو امامیہ ٹیچرز آرگنائزیشن اسلام آباد کا قیام عمل میں لایا گیا ۔ تاکہ تعلیم و تعلم کے ساتھ معلم کی فکری و عملی ضرورتوں کا خیال بھی رکھا جائے اور اسے معاشرے کا صحیح معنوں میں سرگرم رکن بنایا جائے ۔ آئی ٹی او اسلام آباد اسلام کے آفاقی نظام حیات اور قرآن کریم کے لازوال الہی  اصول و اقدار ، حضرت محمد مصطفی صل اللہ علیہ واآلہ وسلم اور آئمہ معصومین علیہم السلام کی حیات طیبہ کے مطابق انسانی معاشرے کی تشکیل کے لئے علمی و ثقافتی اور تحقیقاتی میدانوں میں عرصہ تین عشروں سے مصروف عمل ہے۔ شعبہ درس و تدریس ہو یا عمل و کردار، دینی خدمت ہو یا عصری تقاضے، ان تمام میں اس تنظیم کی خدمات مسلمہ اور اظہر من الشمس ہیں۔ کچھ عرصہ سے قرآنی تعلیمات اور تعلیمات اہل بیت رسول علیہم السلام کی سیرت کی روشنی میں با قاعدہ دروس کا اہتمام کیا جا رہا ہے تا کہ معمار قوم کو دینی علوم کے سا تھ ساتھ عصری تعلیم و تربیت کے مراحل سے گزارا جائے اور ان کی تنظیم نو کی جائے تا کہ موجودہ حالات زمانہ کے مطابق اپنی ضرورتوں کو پورا کر سکیں۔ کوشش کی جارہی ہے کہ مادر علمی کے اس سپہ سالار کو تعلیمات اسلامی اور فکر محمد و آل محمد علیہم السلام کی جاذبیت ، لطافت، نزاکت ، آفاقیت، جامعیت اور ان کی حقانیت کے گم گشتہ پہلوؤں سے روشناس کرایا جائے تا کہ وہ معاشرے میں ایک صحیح مصلح کا کردار ادا کر سکے۔ ساتھ ہی ساتھ یہ امر ہمارے لئے باعث صد افتخار و تسلیت ہے کہ دستر خواں اہل بیت کے خوشہ چیں جوق در جوق ممبر سازی میں معاون و مددگار ہیں ۔ صدق دل سے آپ کی شمولیت ( دامے درے قدمے سخنے ) اور حوصلہ افزائی بارگاہ امام زمان عج اللہ فرجہ الشریف میں پیش ہوگی۔

اگست ۲۰۱۵ء کو آئی ٹی او کی آئینی کمیٹی کی تجدید کی گئی۔ یہ بات قابل ذکر ہے کہ دستور بناتے وقت مستقبل کی ضرویات اور دوراندیشی کو مد نظر رکھتے ہوئے اسے ہر پہلو سے تخیل کے مراحل سے گزارا گیا ہے تا کہ ہر دور کی ضروریات کو پورا کیا جاسکے اور تعلیمات محمد مصطفی ملی وہ یہ پھر ہر وآل محمد علیہم السلام پر عمل پیرا ہو کر اس کے مشن کو سائنسی بنیادوں پر اہل فکر و دانش تک پہنچایا جائے ۔ آئین کا مقصد تمام ممبران کی تعظیم اور اپنی کمیونٹی کے لئے خدمت کی حدود کا تعین کرنا بھی ہوتا ہے کیونکہ تمام ممبران مل کر نظم وضبط سے آرگنائزیشن کے جسم کے اجزاء کی حیثیت رکھتے ہیں۔ جسم کا ہر جزواپنی جگہ مصروف کار رہتا ہے۔ اور تمام اجزاء کی مشترکہ مساعی جمیلہ کے نتیجے میں جسم کامیابی کی منزلیں طے کرتا ہے۔ حالات زمانہ کے مطابق فیس بک پر امامیہ ٹیچرز اسلام آباد کے نام سے پیچ موجود ہے اور  اس کی دیب سائیڈ بھی دعوت فکروعمل کے ساتھ  موجود ہے   جس پر تنظیم کا مکمل تعارف اور اس کے کارہائے نمایاں ناظرین کے لئے موجود ہیں۔

خداوند متعال بصدقہ چہاردہ معصومین علیهم السلام اس آرگنائزیشن کے پر خلوص اور بے لوث خدمت کرنیوالوں کو جزائے خیر عطا فرمائے اور انھیں دنیوی اور اخروی نعمتوں سے مالا مال کرے ( آمین یا رب العالمین )

نصب العین

آئی ٹی او کا نصب العین تعلیمات قرآن اور سیرت حضرت محمد مصطفیٰ لی الہ علیہ کی ہو آل محمد علیہم السلام کے مطابق اساتذہ کی تربیت کرنا ، اساتذہ کو تعلیمی اداروں اور معاشرے میں اسلامی شعور پیدا کرنے اور اسلامی معاشرے کی تشکیل میں اہم کردار ادا کرنے کے لئے منظم کرنا ۔

اغراض و مقاصد

اس تنظیم کے تمام اراکین باہمی مفاہمت واخوت ، خلوص اور ایثار کے جذبے سے لبریز ہو کر اس کے وسیع تر مفاد کی خاطر لگن اور محنت سے مقاصد کے حصول میں ہمہ تن مصروف کار اور اس تنظیم کی عظمت و سربلندی کا مظہر ہوں گے.